TTD Recruitment 2026: టీటీడీలో సివిల్ అసిస్టెంట్ సర్జన్ ఉద్యోగాలు.. 14 పోస్టులకు నోటిఫికేషన్ …వెంటనే అప్లై చేసుకోండి.
TTD Recruitment 2026: టీటీడీలో సివిల్ అసిస్టెంట్ సర్జన్ ఉద్యోగాలు.. 14 పోస్టులకు నోటిఫికేషన్ …వెంటనే అప్లై చేసుకోండి.
TTD Civil Assistant Surgeon Recruitment 2026:
తిరుమల తిరుపతి దేవస్థానం (TTD) వైద్య విభాగంలో ఉద్యోగాల కోసం ఎదురుచూస్తున్న అభ్యర్థులకు మంచి అవకాశం కల్పించింది. సివిల్ అసిస్టెంట్ సర్జన్ పోస్టుల భర్తీకి అర్హులైన అభ్యర్థుల నుంచి ఆన్‌లైన్‌లో దరఖాస్తులను ఆహ్వానిస్తోంది. ఈ నోటిఫికేషన్ ద్వారా మొత్తం 14 పోస్టులను భర్తీ చేయనున్నారు. గుర్తింపు పొందిన విశ్వవిద్యాలయం నుంచి MBBS పూర్తి చేసిన అభ్యర్థులు, నోటిఫికేషన్‌లో పేర్కొన్న ఇతర అర్హతలు కలిగి ఉంటే దరఖాస్తు చేసుకోవచ్చు.
ఈ ఉద్యోగాలకు సంబంధించిన విద్యార్హతలు, వయోపరిమితి, జీతం, ఎంపిక విధానం, దరఖాస్తు ఫీజు, ముఖ్యమైన తేదీలు తదితర వివరాలను తెలుసుకుందాం.
పోస్టుల వివరాలు – ముఖ్యమైన సమాచారం :
సంస్థ పేరు : తిరుమల తిరుపతి దేవస్థానం (TTD) ఉద్యోగాలు
పోస్టు పేరు : సివిల్ అసిస్టెంట్ సర్జన్
మొత్తం ఖాళీలు : 14
టీటీడీ సివిల్ అసిస్టెంట్ సర్జన్ నియామకంలో మొత్తం 14 పోస్టులు ఉన్నాయి. కేటగిరీల వారీగా ఖాళీల వివరాలు ఈ విధంగా ఉన్నాయి.
| కేటగిరీ | పోస్టుల సంఖ్య |
|---|---|
| OC | 5 |
| SC-III | 2 |
| SC-II | 2 |
| BC-D | 1 |
| BC-A | 1 |
| BC-B | 1 |
| EWS | 1 |
| ST | 1 |
| మొత్తం | 14 |
విద్య అర్హతలు :
సివిల్ అసిస్టెంట్ సర్జన్ పోస్టులకు దరఖాస్తు చేసుకునే అభ్యర్థులు గుర్తింపు పొందిన విశ్వవిద్యాలయం నుంచి MBBS డిగ్రీ పూర్తి చేసి ఉండాలి. సంబంధిత చట్ట నిబంధనల ప్రకారం వైద్యుడిగా రిజిస్ట్రేషన్ కలిగి ఉండటం తప్పనిసరి.
MD, MS వంటి సంబంధిత పోస్ట్‌గ్రాడ్యుయేట్ వైద్య అర్హతలు ఉన్న అభ్యర్థులకు ప్రాధాన్యత ఉంటుందని ప్రకటనలో పేర్కొన్నారు.
అభ్యర్థులు హిందూ మతాన్ని స్వీకరించి ఉండటంతో పాటు ఆంధ్రప్రదేశ్ రాష్ట్రానికి చెందినవారై ఉండాలి.
వయో పరిమితి :
ఈ ఉద్యోగాలకు కనీస వయస్సు 18 సంవత్సరాలు, గరిష్ట వయస్సు 42 సంవత్సరాలుగా నిర్ణయించారు. అభ్యర్థుల వయస్సును 2026 జూలై 1వ తేదీ నాటికి లెక్కిస్తారు.
SC, ST, BC, EWS రిజర్వేషన్ కేటగిరీల అభ్యర్థులకు నిబంధనల ప్రకారం వయోపరిమితిలో సడలింపు వర్తిస్తుంది. దివ్యాంగులు, మాజీ సైనికులు, ప్రభుత్వ ఉద్యోగులు, NCC ఇన్‌స్ట్రక్టర్లకు కూడా అర్హతను బట్టి నిబంధనల ప్రకారం సడలింపులు వర్తించవచ్చు.
వయో సడలింపుకు అర్హులైన అభ్యర్థులు సంబంధిత ధ్రువీకరణ పత్రాలను సిద్ధంగా ఉంచుకోవాలి.
దరఖాస్తు రుసుము :
టీటీడీ సివిల్ అసిస్టెంట్ సర్జన్ పోస్టులకు కేటగిరీల వారీగా దరఖాస్తు ఫీజు ఈ విధంగా ఉంది.
| అభ్యర్థుల కేటగిరీ | దరఖాస్తు ఫీజు |
|---|---|
| OC | ₹1,000 |
| SC, ST, BC, EWS | ₹750 |
| దివ్యాంగులు, మాజీ సైనికులు | ₹750 |
అభ్యర్థులు నోటిఫికేషన్‌లో సూచించిన విధంగా నెట్ బ్యాంకింగ్, క్రెడిట్ కార్డు, డెబిట్ కార్డు లేదా మొబైల్ వాలెట్ ద్వారా ఆన్‌లైన్‌లో ఫీజు చెల్లించవచ్చు.
జీతం వివరాలు :
టీటీడీ సివిల్ అసిస్టెంట్ సర్జన్ పోస్టులకు ₹61,960 నుంచి ₹1,51,370 వరకు పే స్కేల్ నిర్ణయించారు. ఈ వేతన శ్రేణి RPS-2022 ప్రకారం ఉంటుంది.
అయితే, ఉద్యోగంలో చేరిన తర్వాత చేతికి వచ్చే జీతం, అలవెన్సులు, ఇతర ప్రయోజనాలు సంబంధిత సర్వీస్ నిబంధనలపై ఆధారపడి ఉంటాయి.
ఎంపిక విధానం :
ఈ నియామకంలో రాత పరీక్ష, ఇంటర్వ్యూ నిర్వహించకుండా మెరిట్ ఆధారంగా అభ్యర్థులను ఎంపిక చేస్తారు. మొత్తం 100 మార్కుల ప్రాతిపదికన మెరిట్‌ను లెక్కిస్తారు.
1. అకడమిక్ మెరిట్: MBBS పరీక్షల్లో సాధించిన మార్కుల ఆధారంగా గరిష్టంగా 75 పాయింట్లు కేటాయిస్తారు.
2. ఇంటర్న్‌షిప్ అనంతర సీనియారిటీ: ఇంటర్న్‌షిప్ పూర్తి చేసిన తర్వాత ప్రతి సంవత్సరానికి ఒక పాయింట్ చొప్పున గరిష్టంగా 10 పాయింట్లు ఇస్తారు.
3. కాంట్రాక్టు సేవా వెయిటేజ్: అర్హత కలిగిన ప్రభుత్వ, సంస్థాగత లేదా టీటీడీ కాంట్రాక్టు సేవకు ప్రతి ఆరు నెలలకు ఒక పాయింట్ చొప్పున గరిష్టంగా 15 పాయింట్లు కేటాయిస్తారు.
అభ్యర్థుల మొత్తం మార్కులు సమానంగా వచ్చినప్పుడు ఎక్కువ వయస్సు ఉన్నవారికి మెరిట్‌లో ప్రాధాన్యత ఇస్తారు. సేవా వెయిటేజ్ పొందాలనుకునేవారు సంబంధిత ధ్రువీకరణ పత్రాలను సమర్పించాలి.
అవసరమైన సర్టిఫికేట్లు :
ఆన్‌లైన్ దరఖాస్తు సమయంలో అభ్యర్థులు కింది పత్రాలను సిద్ధం చేసుకోవాలి.
తాజా పాస్‌పోర్ట్ సైజు ఫోటో
అభ్యర్థి సంతకం
SSC సర్టిఫికేట్
ఇంటర్మీడియట్ సర్టిఫికేట్
MBBS మార్కుల మెమోలు
ఇంటర్న్‌షిప్ పూర్తి చేసిన ధ్రువీకరణ పత్రం
మెడికల్ కౌన్సిల్ రిజిస్ట్రేషన్ సర్టిఫికేట్
స్టడీ లేదా నివాస ధ్రువీకరణ పత్రాలు
వర్తించే కుల ధ్రువీకరణ పత్రం
EWS లేదా దివ్యాంగుల ధ్రువీకరణ పత్రాలు, అవసరమైన వారికి
కాంట్రాక్టు సేవా వెయిటేజ్ కోరుకునేవారికి సంబంధిత సేవా ధ్రువీకరణ పత్రం
నోటిఫికేషన్‌లో సూచించిన ఫార్మాట్, ఫైల్ సైజు, ఇతర అప్‌లోడ్ నిబంధనలను పాటించాలి.
ఎలా దరఖాస్తు చేయాలి?
1. టీటీడీ అధికారిక వెబ్‌సైట్ https://tirumala.org ను సందర్శించండి.
2. సివిల్ అసిస్టెంట్ సర్జన్ రిక్రూట్‌మెంట్‌కు సంబంధించిన నోటిఫికేషన్‌ను తెరవండి.
3. విద్యార్హతలు, వయస్సు, రిజర్వేషన్, ఇతర అర్హతలను పూర్తిగా పరిశీలించండి.
4. ఆన్‌లైన్ దరఖాస్తులో వ్యక్తిగత వివరాలు, విద్యార్హతలకు సంబంధించిన సమాచారాన్ని నమోదు చేయండి.
5. అవసరమైన ఫోటో, సంతకం, ధ్రువీకరణ పత్రాలను అప్‌లోడ్ చేయండి.
6. వర్తించే దరఖాస్తు ఫీజును ఆన్‌లైన్‌లో చెల్లించండి.
7. నమోదు చేసిన వివరాలను మరోసారి పరిశీలించి దరఖాస్తును సమర్పించండి.
8. భవిష్యత్తు అవసరాల కోసం దరఖాస్తు కాపీ, ఫీజు చెల్లింపు రసీదును భద్రపరచుకోండి.
ముఖ్యమైన తేదీలు :
ఆన్‌లైన్ దరఖాస్తుల ప్రారంభం : 16 అక్టోబర్ 2026
దరఖాస్తుకు చివరి తేదీ : 05 నవంబర్ 2026
Notification Pdf Click Here
Apply Online Link Click Here