AP School Holidays 2026: మిలాద్-ఉన్-నబీ సెలవు 26 వ తేదీకి మార్పు ..ఆగస్టు 26న స్కూళ్లు, కాలేజీలు, ప్రభుత్వ కార్యాలయాలకు సెలవు…

AP School Holidays 2026:

ఆంధ్రప్రదేశ్‌లో పాఠశాలలు, కళాశాలల్లో చదువుతున్న విద్యార్థులకు ప్రభుత్వం కీలక ప్రకటన చేసింది. మిలాద్-ఉన్-నబీ పండుగ సందర్భంగా ప్రకటించిన పబ్లిక్ హాలిడే తేదీలో మార్పు చేసింది. ముందుగా ఆగస్టు 25, 2026న సెలవుగా ప్రకటించగా.. తాజాగా ఆగస్టు 26, 2026 బుధవారం రోజున మిలాద్-ఉన్-నబీ సెలవును నిర్వహించాలని ప్రభుత్వం నిర్ణయించింది.

ఈ మార్పుతో ఆంధ్రప్రదేశ్‌లోని ప్రభుత్వ పాఠశాలలు, ప్రభుత్వ కళాశాలలు, ప్రభుత్వ కార్యాలయాలకు ఆగస్టు 26న సాధారణ సెలవు ఉండనుంది. సెలవు తేదీ మార్పు గురించి విద్యార్థులు, తల్లిదండ్రులు, ఉద్యోగులు తప్పనిసరిగా తెలుసుకోవాలి.

ఆగస్టు 26న ఏపీలో పబ్లిక్ హాలిడే :

మిలాద్-ఉన్-నబీ పండుగ తేదీని చంద్ర దర్శనం ఆధారంగా నిర్ణయిస్తారు. ఈ ఏడాది మిలాద్-ఉన్-నబీ పండుగ ఆగస్టు 26న వస్తుందని ఏపీ స్టేట్ వక్ఫ్ బోర్డు ప్రభుత్వానికి సమాచారం అందించింది. దీంతో ముందుగా ప్రకటించిన సెలవు తేదీని సవరించాలని వక్ఫ్ బోర్డు సీఈవో ప్రభుత్వాన్ని కోరారు.

వక్ఫ్ బోర్డు విజ్ఞప్తిని పరిగణనలోకి తీసుకున్న ప్రభుత్వం మిలాద్-ఉన్-నబీ సెలవు తేదీని మార్చింది. ముందుగా ఆగస్టు 25న ఉన్న సెలవును ఆగస్టు 26, 2026కు మార్చుతూ అధికారిక ఉత్తర్వులు జారీ చేసింది.

అందువల్ల ఆగస్టు 26న ఆంధ్రప్రదేశ్‌లోని ప్రభుత్వ పాఠశాలలు, ప్రభుత్వ కళాశాలలు, ప్రభుత్వ కార్యాలయాలకు సాధారణ సెలవు ఉంటుంది. ప్రైవేట్ విద్యాసంస్థల విషయంలో ఆయా యాజమాన్యాలు ప్రకటించే సెలవు వివరాలను విద్యార్థులు తెలుసుకోవాలి.

దీంతో ముందుగా అకాడమిక్ క్యాలెండర్‌లో పేర్కొన్న ఆగస్టు 25 సెలవును మార్చి.. ఆగస్టు 26న పబ్లిక్ హాలిడేగా ప్రకటించారు. ఈ మేరకు ప్రభుత్వ కార్యదర్శి జె. శ్యామల గారు అధికారికంగా ఉత్తర్వులు జారీ చేశారు.

సెలవు తేదీలో ఎందుకు మార్పు చేశారు?

మిలాద్-ఉన్-నబీ పండుగ తేదీ చంద్ర దర్శనంపై ఆధారపడి ఉంటుంది. ఈ కారణంగా పండుగ తేదీలో మార్పు చోటుచేసుకోవడంతో, గతంలో నిర్ణయించిన ఆగస్టు 25 సెలవును సవరించి ఆగస్టు 26న సెలవుగా ప్రకటించారు. ఈ మార్పును అనుసరించి సంబంధిత ప్రభుత్వ విభాగాలు తమ క్యాలెండర్లు, సెలవుల వివరాలను సవరించాల్సి ఉంటుంది.