Anganwadi Jobs 2026: 231 టీచర్, సహాయకురాలి పోస్టులు.. ఆన్‌లైన్‌లో దరఖాస్తులు….. వెంటనే అప్లై చేసుకోండి.

మహబూబాబాద్ జిల్లాలో అంగన్వాడీ ఉద్యోగాల నోటిఫికేషన్ 2026 :

తెలంగాణలో అంగన్వాడీ ఉద్యోగాల కోసం ఎదురుచూస్తున్న మహిళా అభ్యర్థులకు ఇది మంచి అవకాశం. మహబూబాబాద్ జిల్లాలో మహిళా, శిశు, దివ్యాంగుల మరియు వయోవృద్ధుల సంక్షేమ శాఖ ఆధ్వర్యంలో అంగన్వాడీ పోస్టుల భర్తీకి నోటిఫికేషన్ విడుదలైంది.

ఈ రిక్రూట్‌మెంట్ ద్వారా అంగన్వాడీ టీచర్, అంగన్వాడీ సహాయకురాలు పోస్టులను భర్తీ చేయనున్నారు. మహబూబాబాద్ జిల్లాలోని వివిధ ఐసీడీఎస్ ప్రాజెక్టుల పరిధిలో మొత్తం 231 ఖాళీలు ఉన్నాయి.

అర్హత కలిగిన మహిళా అభ్యర్థులు 25 ఆగస్టు 2026 నుంచి 3 సెప్టెంబర్ 2026 సాయంత్రం 5 గంటల వరకు ఆన్‌లైన్‌లో దరఖాస్తు చేసుకోవచ్చు. అభ్యర్థులు దరఖాస్తు చేసే ముందు స్థానికత, విద్యార్హత, వయస్సు మరియు ఇతర నిబంధనలను తప్పనిసరిగా పరిశీలించాలి. మరిన్ని పూర్తి వివరాలు ఇప్పుడు చూద్దాం.

పోస్టుల వివరాలు – ముఖ్యమైన సమాచారం :

సంస్థ పేరు : మహిళా, శిశు, దివ్యాంగుల మరియు వయోవృద్ధుల సంక్షేమ శాఖ లో ఉద్యోగాలు

జిల్లా : మహబూబాబాద్

పోస్టుల వివరాలు : అంగన్వాడీ టీచర్, అంగన్వాడీ సహాయకురాలు

మొత్తం ఖాళీలు: 231

టీచర్ పోస్టులు – 101

సహాయకురాలి పోస్టులు – 130

ప్రాజెక్టుల వారీగా ఖాళీలు :

మహబూబాబాద్ జిల్లాలోని ఐదు ఐసీడీఎస్ ప్రాజెక్టుల పరిధిలో ఈ ఖాళీలు ఉన్నాయి.

అర్హులు : మహిళా అభ్యర్థులు

దరఖాస్తు విధానం : ఆన్‌లైన్

విద్య అర్హతలు :

1. అంగన్వాడీ టీచర్ పోస్టుకు దరఖాస్తు చేసుకునే మహిళా అభ్యర్థులు తప్పనిసరిగా ఇంటర్మీడియట్ ఉత్తీర్ణులై ఉండాలి.

2. అంగన్వాడీ సహాయకురాలి పోస్టుకు కూడా ఇంటర్మీడియట్ అర్హత కలిగిన మహిళలకు అవకాశం ఉంటుంది.

3. అయితే సహాయకురాలి పోస్టులకు సరిపడా ఇంటర్ అభ్యర్థులు అందుబాటులో లేకపోతే 10వ తరగతి ఉత్తీర్ణులను పరిగణనలోకి తీసుకునే అవకాశం ఉంది.

వయో పరిమితి :

అభ్యర్థుల వయస్సు 01-07-2026 నాటికి 18 సంవత్సరాలు నిండి, 35 సంవత్సరాల లోపు ఉండాలి.

ఎంపిక విధానం :

అభ్యర్థుల ఎంపిక నోటిఫికేషన్‌లో పేర్కొన్న అర్హతలు, స్థానికత, రిజర్వేషన్ మరియు సంబంధిత ఎంపిక నిబంధనల ఆధారంగా జరుగుతుంది

స్థానికత నిబంధనలు :

అంగన్వాడీ పోస్టుల్లో స్థానికతకు ప్రత్యేక ప్రాధాన్యం ఉంటుంది. అభ్యర్థి దరఖాస్తు చేసుకునే అంగన్వాడీ కేంద్రానికి సంబంధించిన ప్రాంతానికి స్థానిక నివాసిగా ఉండాలి.

గ్రామీణ ప్రాంతాల్లో సంబంధిత గ్రామ పంచాయతీ, పట్టణ ప్రాంతాల్లో సంబంధిత వార్డు పరిధికి చెందిన మహిళా అభ్యర్థులు మాత్రమే అర్హులుగా పరిగణించబడతారు.

ఎస్సీ/ఎస్టీ సబ్‌ప్లాన్ కింద కేటాయించిన పోస్టులకు కూడా సంబంధిత స్థానికత, రిజర్వేషన్ మరియు రోస్టర్ నిబంధనలు వర్తిస్తాయి.

నివాస ధృవీకరణ పత్రం తప్పనిసరి :

అభ్యర్థులు సంబంధిత తహసీల్దార్ జారీ చేసిన నివాస ధృవీకరణ పత్రాన్ని సమర్పించాలి.

నోటిఫికేషన్ జారీ చేసిన తేదీకి ముందు ఒక సంవత్సరం లోపు జారీ చేసిన నివాస ధృవీకరణ పత్రాలను మాత్రమే పరిగణనలోకి తీసుకుంటారు. కాబట్టి పాత సర్టిఫికెట్ ఉన్న అభ్యర్థులు దాని జారీ తేదీని ముందుగానే పరిశీలించాలి.

అంగన్వాడీ ఉద్యోగాలకు ఎలా దరఖాస్తు చేయాలి?

ఈ పోస్టులకు ఆన్‌లైన్ విధానంలో మాత్రమే దరఖాస్తులు స్వీకరిస్తారు.

అభ్యర్థులు అధికారిక వెబ్‌సైట్‌ ( wdcw.tg.nic.in ) లోకి వెళ్లి తమ ప్రాంతానికి సంబంధించిన ఐసీడీఎస్ ప్రాజెక్టు, పోస్టు మరియు ఖాళీల వివరాలను పరిశీలించి దరఖాస్తు చేసుకోవాలి.

ధృవపత్రాల పరిశీలన :

ఆన్‌లైన్‌లో దరఖాస్తు చేసిన అభ్యర్థులు తదుపరి దశలో తమ అసలు ధృవపత్రాలను పరిశీలనకు తీసుకెళ్లాలి.

నోటిఫికేషన్ ప్రకారం 07-09-2026 నుంచి 19-09-2026 వరకు సంబంధిత ఐసీడీఎస్ ప్రాజెక్టు కార్యాలయంలో కార్యాలయ పని వేళల్లో సర్టిఫికెట్ల పరిశీలన జరుగుతుంది.

అభ్యర్థులు ఒరిజినల్ సర్టిఫికెట్లతో పాటు అటెస్టెడ్ జిరాక్స్ కాపీలను కూడా సిద్ధంగా ఉంచుకోవాలి. సర్టిఫికెట్ల పరిశీలనకు హాజరుకాకపోతే దరఖాస్తును పరిగణనలోకి తీసుకోకపోవచ్చు.

అవసరమైన ధృవపత్రాలు :

సర్టిఫికెట్ల పరిశీలన సమయంలో అవసరమైన పత్రాలను ముందుగానే సిద్ధం చేసుకోవడం మంచిది.

అవసరమైన పత్రాలు :

1 పుట్టిన తేదీ / SSC సర్టిఫికెట్

2 తహసీల్దార్ జారీ చేసిన కుల ధృవీకరణ పత్రం

3 విద్యార్హత ధృవపత్రాలు

4 నివాస ధృవీకరణ పత్రం

5 దివ్యాంగుల ధృవీకరణ పత్రం, వర్తిస్తే

6 భర్త మరణ ధృవీకరణ పత్రం, వితంతువులకు

7 అనాథ సర్టిఫికెట్, వర్తిస్తే

8 స్పోర్ట్స్ సర్టిఫికెట్, వర్తిస్తే

9 Ex-Serviceman సర్టిఫికెట్, వర్తిస్తే

10 EWS సర్టిఫికెట్, వర్తిస్తే

దివ్యాంగ మహిళలకు కూడా అవకాశం :

నోటిఫికేషన్‌లో పేర్కొన్న నిబంధనలకు అనుగుణంగా కొన్ని రకాల దివ్యాంగ మహిళా అభ్యర్థులు కూడా అంగన్వాడీ పోస్టులకు దరఖాస్తు చేసుకునే అవకాశం ఉంది.

వినికిడి పరికరం సహాయంతో వినగలిగే వారు, ఇతరుల సహాయం లేకుండా విధులు నిర్వహించగలిగే అంధ అభ్యర్థులు, అలాగే పిల్లల సంరక్షణ మరియు ప్రాథమిక విద్య బోధనకు ఆటంకం లేని చేతులు లేదా కాళ్ల వైకల్యం ఉన్న అభ్యర్థులకు నిబంధనల ప్రకారం అవకాశం కల్పించారు.

ముఖ్యమైన తేదీలు: