APPSC Horticulture Officer Jobs 2026: ఉద్యానవన అధికారులుగా 37 ఉద్యోగాలు.. రూ.1.40 లక్షల వరకు జీతం…Apply Now :

APPSC Horticulture Officer Recruitment 2026:

ఆంధ్రప్రదేశ్‌లో ప్రభుత్వ ఉద్యోగాల కోసం ఎదురుచూస్తున్న అభ్యర్థులకు ఆంధ్రప్రదేశ్ పబ్లిక్ సర్వీస్ కమిషన్ (APPSC) తాజాగా మరో ఉద్యోగ నోటిఫికేషన్‌ను విడుదల చేసింది. ఏపీ ఉద్యానవన సేవలో Horticulture Officer (ఉద్యానవన అధికారి) పోస్టుల భర్తీకి అధికారిక నోటిఫికేషన్ విడుదల చేసింది. ఈ నోటిఫికేషన్ ద్వారా మొత్తం 37 ఉద్యానవన అధికారి పోస్టులను భర్తీ చేయనున్నారు.

అర్హత, ఆసక్తి ఉన్న అభ్యర్థులు APPSC అధికారిక వెబ్‌సైట్ psc.ap.gov.in ద్వారా ఆన్‌లైన్‌లో దరఖాస్తు చేసుకోవచ్చు. దరఖాస్తు ప్రక్రియ అక్టోబర్ 6, 2026 నుంచి ప్రారంభమై అక్టోబర్ 27, 2026 రాత్రి 11:59 గంటల వరకు కొనసాగుతుంది. అభ్యర్థులు నోటిఫికేషన్‌లో పేర్కొన్న అర్హతలు, వయోపరిమితి, ఇతర నిబంధనలను పరిశీలించిన తర్వాత దరఖాస్తు చేసుకోవాలి.

పోస్టుల వివరాలు – ముఖ్యమైన సమాచారం :

సంస్థ పేరు : ఆంధ్రప్రదేశ్ పబ్లిక్ సర్వీస్ కమిషన్ (APPSC) లో ఉద్యోగాలు

శాఖ : ఏపీ ఉద్యానవన సేవ

పోస్టు పేరు : Horticulture Officer

మొత్తం ఖాళీలు : 37

విద్య అర్హతలు :

APPSC Horticulture Officer పోస్టులకు దరఖాస్తు చేసుకునే అభ్యర్థులు గుర్తింపు పొందిన విశ్వవిద్యాలయం నుంచి హార్టికల్చర్‌లో నాలుగేళ్ల B.Sc. డిగ్రీ లేదా B.Sc. (Honours) డిగ్రీ కలిగి ఉండాలి.

అలాగే, భారత ప్రభుత్వ వ్యవసాయ మరియు రైతు సంక్షేమ మంత్రిత్వ శాఖ, న్యూఢిల్లీ పరిధిలోని ICAR (Indian Council of Agricultural Research) గుర్తింపు పొందిన విశ్వవిద్యాలయం నుంచి పొందిన సంబంధిత విద్యార్హతలు కూడా నోటిఫికేషన్ నిబంధనలకు అనుగుణంగా ఉండాలి.

వయోపరిమితి :

01-07-2026 నాటికి అభ్యర్థుల వయసు కనీసం 18 సంవత్సరాలు, గరిష్టంగా 44 సంవత్సరాలు ఉండాలి.

ప్రభుత్వ నిబంధనల ప్రకారం రిజర్వేషన్ కేటగిరీల అభ్యర్థులకు వయోపరిమితిలో సడలింపు ఉంటుంది.

SC, ST, BC, EWS అభ్యర్థులకు – 5 సంవత్సరాలు

Benchmark Disabilities (PwBD) అభ్యర్థులకు – 10 సంవత్సరాలు

దరఖాస్తు రుసుము :

అభ్యర్థులు నోటిఫికేషన్‌లో పేర్కొన్న విధంగా దరఖాస్తు రుసుమును చెల్లించాలి.

UR/OBC/EWS అభ్యర్థులు – రూ.370/-

మహిళలు/SC/ST/PwBD/Ex-Servicemen అభ్యర్థులు – రూ.250/- ఫీజు ఉంటుంది.

జీతం వివరాలు :

ఉద్యానవన అధికారి పోస్టులకు ఎంపికైన అభ్యర్థులకు రూ.54,060 నుంచి రూ.1,40,540 వరకు పే స్కేల్ లభిస్తుంది. ప్రభుత్వ నిబంధనల ప్రకారం ఇతర అలవెన్సులు, ప్రయోజనాలు కూడా వర్తించవచ్చు.

ఎంపిక విధానం :

ఉద్యానవన అధికారి పోస్టులకు అభ్యర్థుల ఎంపిక ప్రధానంగా కింది దశల ఆధారంగా జరుగుతుంది.

1. Computer Based Recruitment Test (CBRT)

2. Certificate Verification

3. నోటిఫికేషన్‌లో పేర్కొన్న ఇతర నియామక ప్రక్రియలు ఉంటాయి.

ఎలా అప్లై చేసుకోవాలి?

ఈ పోస్టులకు దరఖాస్తు చేసుకోవాలనుకునే అభ్యర్థులు ముందుగా APPSC అధికారిక వెబ్‌సైట్‌లో తమ OTPR (One Time Profile Registration) వివరాలను నమోదు చేసుకోవాలి.

ఇప్పటికే OTPR నంబర్ ఉన్న అభ్యర్థులు తమ రిజిస్టర్డ్ OTPR నంబర్, ఇతర వివరాలతో APPSC వెబ్‌సైట్‌లో లాగిన్ అయి సంబంధిత ఉద్యోగానికి దరఖాస్తు చేసుకోవచ్చు.

APPSC నోటిఫై చేసిన పోస్టులకు మొదటిసారి దరఖాస్తు చేస్తున్న అభ్యర్థులు ముందుగా OTPR ద్వారా తమ బయోడేటా వివరాలను నమోదు చేసుకోవాలి. వివరాలు నమోదు చేసిన తర్వాత అభ్యర్థికి ఒక User ID జనరేట్ అవుతుంది. ఈ User ID రిజిస్టర్డ్ మొబైల్ నంబర్ మరియు ఈమెయిల్‌కు పంపబడుతుంది.

తర్వాత User IDతో లాగిన్ అయి Horticulture Officer పోస్టుకు సంబంధించిన ఆన్‌లైన్ దరఖాస్తును పూర్తి చేయాలి.

ముఖ్యమైన సమాచారం :

ఆన్‌లైన్ దరఖాస్తుల ప్రారంభ తేదీ: 06 అక్టోబర్ 2026

ఆన్‌లైన్ దరఖాస్తులకు చివరి తేదీ: 27 అక్టోబర్ 2026

Important Links: