e-EPIC డిజిటల్ ఓటర్ కార్డు మీ మొబైల్‌లోకి.. ఇలా డౌన్‌లోడ్ చేసుకోండి!

e- EPIC Voter Card :

ప్రస్తుతం ఓటర్ కార్డు అవసరం అనేక ప్రభుత్వ సేవలు, ధృవీకరణ ప్రక్రియలు మరియు ఎన్నికలకు సంబంధించిన కార్యక్రమాల్లో పెరుగుతోంది. అందుకే ప్రతి ఓటరు తమ e-EPIC (Electronic Electoral Photo Identity Card) ను మొబైల్‌లో డిజిటల్ రూపంలో సేవ్ చేసుకోవడం ఎంతో ఉపయోగకరం. భారత ఎన్నికల సంఘం (ECI) అందిస్తున్న అధికారిక పోర్టల్ ద్వారా కొన్ని నిమిషాల్లోనే e-EPIC కార్డును ఉచితంగా డౌన్‌లోడ్ చేసుకోవచ్చు.

e-EPIC అంటే ఏమిటి?

e-EPIC అనేది భారత ఎన్నికల సంఘం జారీ చేసే డిజిటల్ ఓటర్ ఐడీ కార్డు. ఇది PDF రూపంలో లభిస్తుంది. అవసరమైనప్పుడు మొబైల్ లేదా కంప్యూటర్‌లో చూపించవచ్చు లేదా ప్రింట్ తీసుకుని ఉపయోగించుకోవచ్చు.

e-EPIC డౌన్‌లోడ్ చేసుకునే విధానం :

స్టెప్ 1 : 

ముందుగా భారత ఎన్నికల సంఘం అధికారిక ఓటర్ సర్వీస్ పోర్టల్‌ను ఓపెన్ చేయండి.  https://voters.eci.gov.in/

స్టెప్ 2 : 

మీకు ఇప్పటికే అకౌంట్ లేకపోతే, మీ మొబైల్ నంబర్‌తో కొత్తగా రిజిస్ట్రేషన్ పూర్తి చేయండి. ఇప్పటికే అకౌంట్ ఉంటే నేరుగా లాగిన్ అవ్వండి.

స్టెప్ 3 : 

లాగిన్ అయిన తర్వాత EPIC Number (Voter ID Number) నమోదు చేసి, మీ రాష్ట్రాన్ని (State) ఎంపిక చేయండి.

స్టెప్ 4: 

తర్వాత Search పై క్లిక్ చేయండి. మీ నమోదు చేసిన మొబైల్ నంబర్‌కు OTP వస్తుంది.

స్టెప్ 5 ; 

OTP నమోదు చేసిన తర్వాత Download e-EPIC ఎంపికపై క్లిక్ చేస్తే మీ ఓటర్ కార్డు PDF రూపంలో డౌన్‌లోడ్ అవుతుంది.

e-EPIC డౌన్‌లోడ్ చేయడానికి అవసరమైన వివరాలు:

1. EPIC (Voter ID) నంబర్

2. నమోదైన మొబైల్ నంబర్

3.OTP ధృవీకరణ

e-EPIC వల్ల కలిగే ప్రయోజనాలు :

1. ఎప్పుడైనా మొబైల్‌లో ఓటర్ కార్డు అందుబాటులో ఉంటుంది.

2. కార్డు పోయినా తిరిగి సులభంగా డౌన్‌లోడ్ చేసుకోవచ్చు.

3. ప్రభుత్వ సేవలు, గుర్తింపు ధృవీకరణ వంటి సందర్భాల్లో ఉపయోగపడుతుంది.

4. పూర్తిగా ఉచితంగా అధికారిక వెబ్‌సైట్ ద్వారా పొందవచ్చు.

గమనిక: e-EPIC ను తప్పనిసరిగా భారత ఎన్నికల సంఘం అధికారిక వెబ్‌సైట్ ద్వారానే డౌన్‌లోడ్ చేసుకోండి. ఇతర అనధికారిక వెబ్‌సైట్లను ఉపయోగించవద్దు.