SSC CHSL Recruitment 2026: 12వ తరగతి అర్హతతో కేంద్ర ప్రభుత్వ ఉద్యోగాలు… 2536 పోస్టులకు నోటిఫికేషన్..

SSC CHSL Recruitment 2026:

కేంద్ర ప్రభుత్వ ఉద్యోగాల కోసం ఎదురుచూస్తున్న 12వ తరగతి అర్హత కలిగిన అభ్యర్థులకు స్టాఫ్ సెలక్షన్ కమిషన్ (SSC) శుభవార్త అందించింది. కేంద్ర ప్రభుత్వంలోని వివిధ మంత్రిత్వ శాఖలు, విభాగాలు, కార్యాలయాలు, రాజ్యాంగ సంస్థలు, చట్టబద్ధ సంస్థలు, ట్రిబ్యునల్స్ తదితర సంస్థల్లో లోయర్ డివిజన్ క్లర్క్ (LDC)/జూనియర్ సెక్రటేరియట్ అసిస్టెంట్ (JSA), డేటా ఎంట్రీ ఆపరేటర్ (DEO), DEO గ్రేడ్ ‘A’ పోస్టుల భర్తీకి SSC CHSL 2026 నోటిఫికేషన్ విడుదల చేసింది.

ఈ రిక్రూట్‌మెంట్ ద్వారా మొత్తం 2536 పోస్టులను భర్తీ చేయనున్నారు. అర్హత కలిగిన అభ్యర్థులు 2026 సెప్టెంబర్ 7 నుంచి అక్టోబర్ 7 వరకు ఆన్‌లైన్‌లో దరఖాస్తు చేసుకోవచ్చు. దరఖాస్తులను SSC అధికారిక వెబ్‌సైట్ ద్వారా మాత్రమే సమర్పించాలి.

పోస్టుల వివరాలు – ముఖ్యమైన సమాచారం :

సంస్థ పేరు : స్టాఫ్ సెలక్షన్ కమిషన్ (SSC) లో ఉద్యోగాలు

SSC CHSL 2026 పోస్టుల వివరాలు :

SSC CHSL Recruitment 2026 ద్వారా ప్రధానంగా కింది పోస్టులను భర్తీ చేయనున్నారు:

1. లోయర్ డివిజన్ క్లర్క్ (LDC) / జూనియర్ సెక్రటేరియట్ అసిస్టెంట్ (JSA)

2. డేటా ఎంట్రీ ఆపరేటర్ (DEO)

3. డేటా ఎంట్రీ ఆపరేటర్, గ్రేడ్ ‘A’

కేంద్ర ప్రభుత్వంలోని వివిధ శాఖలు, మంత్రిత్వ శాఖలు, కార్యాలయాల్లో ఈ పోస్టులకు నియామకాలు చేపట్టనున్నారు.

మొత్తం ఖాళీలు : 2536

విద్యార్హతలు :

LDC/JSA మరియు DEO/DEO Grade ‘A’ పోస్టులకు: అభ్యర్థులు గుర్తింపు పొందిన బోర్డు లేదా సమానమైన సంస్థ నుంచి 12వ తరగతి లేదా సమానమైన పరీక్షలో ఉత్తీర్ణులై ఉండాలి.

అయితే కొన్ని నిర్దిష్ట DEO/DEO Grade ‘A’ పోస్టులకు, అభ్యర్థులు గుర్తింపు పొందిన బోర్డు నుంచి సైన్స్ విభాగంలో మ్యాథమెటిక్స్ ఒక సబ్జెక్టుగా 12వ తరగతి ఉత్తీర్ణులై ఉండాలి.

వయోపరిమితి :

SSC CHSL 2026 పోస్టులకు దరఖాస్తు చేసుకునే అభ్యర్థుల వయస్సు 18 నుంచి 27 సంవత్సరాల మధ్య ఉండాలి.

వయస్సును 01-08-2026 తేదీ ఆధారంగా లెక్కిస్తారు. అంటే, నోటిఫికేషన్‌లో పేర్కొన్న జనన తేదీ నిబంధనలకు అనుగుణంగా ఉన్న అభ్యర్థులు మాత్రమే దరఖాస్తు చేసుకోవాలి.

రిజర్వేషన్ నిబంధనల ప్రకారం అర్హత కలిగిన SC, ST, OBC, PwBD, ESM తదితర కేటగిరీల అభ్యర్థులకు ప్రభుత్వ నిబంధనల ప్రకారం వయోపరిమితిలో సడలింపు ఉంటుంది.

దరఖాస్తు రుసుము :

1. SSC CHSL 2026 దరఖాస్తుకు సాధారణంగా రూ.100/- ఫీజు చెల్లించాలి.

2. అయితే ప్రభుత్వ నిబంధనల ప్రకారం అర్హత కలిగిన మహిళా అభ్యర్థులు, SC, ST, PwBD మరియు Ex-Servicemen (ESM) అభ్యర్థులకు దరఖాస్తు ఫీజు నుంచి మినహాయింపు ఉంటుంది.

జీతం వివరాలు :

పోస్టును బట్టి అభ్యర్థులకు కింది పే లెవల్స్ ప్రకారం జీతం లభిస్తుంది:

LDC/JSA: Pay Level-2 – రూ.19,900 నుంచి రూ.63,200/-

DEO: Pay Level-4 – రూ.25,500 నుంచి రూ.81,100/-

DEO: Pay Level-5 – రూ.29,200 నుంచి రూ.92,300/-

DEO Grade ‘A’: Pay Level-4 – రూ.25,500 నుంచి రూ.81,100/-

వేతనంతో పాటు కేంద్ర ప్రభుత్వ ఉద్యోగులకు వర్తించే ఇతర అలవెన్సులు, ప్రయోజనాలు నిబంధనల ప్రకారం లభిస్తాయి.

ఎంపిక విధానం :

SSC CHSL పరీక్ష ద్వారా అభ్యర్థుల ఎంపికను కంప్యూటర్ ఆధారిత పరీక్ష (CBT) తదితర పరీక్షా దశలు, నైపుణ్య/టైపింగ్ పరీక్ష మరియు డాక్యుమెంట్ వెరిఫికేషన్ వంటి ప్రక్రియల ద్వారా నిర్వహిస్తారు. పోస్టును బట్టి టైపింగ్ లేదా స్కిల్ టెస్ట్ వర్తిస్తుంది.

ఎలా దరఖాస్తు చేయాలి?

SSC CHSL 2026 పోస్టులకు అర్హత కలిగిన అభ్యర్థులు SSC అధికారిక వెబ్‌సైట్ ssc.gov.in ద్వారా ఆన్‌లైన్‌లో దరఖాస్తు చేసుకోవచ్చు. అలాగే SSC అందుబాటులో ఉంచిన My SSC మొబైల్ అప్లికేషన్ ద్వారా కూడా దరఖాస్తు చేసే అవకాశం ఉంటుంది.

1. ముందుగా SSC అధికారిక వెబ్‌సైట్‌ను ఓపెన్ చేయాలి.

2. అవసరమైన విధంగా SSC రిజిస్ట్రేషన్ పూర్తి చేయాలి.

3. CHSL 2026 అప్లికేషన్ లింక్‌పై క్లిక్ చేయాలి.

4. వ్యక్తిగత, విద్యా వివరాలను నమోదు చేయాలి.

5. అవసరమైన డాక్యుమెంట్లు, ఫొటో, సంతకం తదితర వివరాలను సమర్పించాలి.

6. వర్తించే దరఖాస్తు ఫీజును చెల్లించాలి.

7. దరఖాస్తును ఒకసారి పరిశీలించి Submit చేయాలి.

8. భవిష్యత్ అవసరాల కోసం అప్లికేషన్ కాపీని డౌన్‌లోడ్ చేసి భద్రపరచుకోవాలి.

ముఖ్యమైన తేదీలు :

ఆన్‌లైన్ దరఖాస్తు ప్రారంభం: 07 సెప్టెంబర్ 2026

ఆన్‌లైన్ దరఖాస్తుకు చివరి తేదీ: 07 అక్టోబర్ 2026

ముఖ్యమైన లింకులు:

Full Notification  Pdf Click Here

Apply Link Click Here

 Official Website Click Here