తెలంగాణ రాష్ట్రంలోని నిరుద్యోగ యువతకు రాష్ట్ర ప్రభుత్వం శుభవార్త అందించింది. యువతకు ప్రైవేట్ రంగంలో ఉపాధి అవకాశాలు కల్పించేందుకు ‘ప్రజాపాలన ప్రగతి ప్రణాళిక జాబ్ మేళా 2026’ను ఘనంగా నిర్వహించనున్నారు. రాష్ట్ర క్రీడలు, యువజన సేవల శాఖ ఆధ్వర్యంలో టాస్క్ (TASK), డీట్ (DEET) సంస్థల సహకారంతో ఈ జాబ్ మేళా మే 11, 12 తేదీల్లో జరగనుంది.

ఈ తెలంగాణ జాబ్ మేళా 2026లో ఫార్మా, బ్యాంకింగ్, మార్కెటింగ్, ఐటీ, రిటైల్, కస్టమర్ సపోర్ట్ వంటి పలు రంగాలకు చెందిన 162కు పైగా ప్రముఖ కంపెనీలు పాల్గొననున్నాయి. అర్హత కలిగిన అభ్యర్థులకు ఇంటర్వ్యూ అనంతరం అక్కడికక్కడే ఆఫర్ లెటర్లు ఇచ్చే అవకాశం కూడా ఉంది. ఉద్యోగాల కోసం ఎదురుచూస్తున్న యువతకు ఇది మంచి అవకాశంగా చెప్పుకోవచ్చు.

ప్రజాపాలన – ప్రగతి ప్రణాళిక జాబ్ మేళా 2026 నిర్వహించే కేంద్రాలు :

ఈ జాబ్ మేళా ఉమ్మడి రంగారెడ్డి, హైదరాబాద్ జిల్లాల పరిధిలోని పలు కేంద్రాల్లో నిర్వహించబడుతుంది. వేలాది మంది అభ్యర్థులు హాజరయ్యే అవకాశం ఉందని అధికారులు అంచనా వేస్తున్నారు.

ఎల్బీ నగర్

సరూర్‌నగర్ ఇండోర్ స్టేడియం (సరూర్‌నగర్ మైదానం సమీపంలో)

మేడ్చల్

ప్రభుత్వ ఐటీఐ (Govt ITI) కాలేజీ ప్రాంగణం

వికారాబాద్

ప్రభుత్వ డిగ్రీ కాలేజీ, వికారాబాద్

హైదరాబాద్

మాసబ్ ట్యాంక్ పాలిటెక్నిక్ / డిప్లొమా కాలేజీ

అర్హతలు:

ఈ జాబ్ మేళాకు కింది విద్యార్హతలు కలిగిన అభ్యర్థులు హాజరుకావచ్చు.

1. 10వ తరగతి
2. ఇంటర్మీడియట్
3. డిగ్రీ
4. పీజీ
5. డిప్లొమా
6. బీటెక్

తీసుకురావాల్సిన పత్రాలు :

అభ్యర్థులు ఇంటర్వ్యూకు హాజరయ్యే సమయంలో కింది పత్రాలను వెంట తీసుకురావాలి.

1. విద్యార్హత సర్టిఫికెట్ల జిరాక్స్ కాపీలు
2. ఆధార్ కార్డు
3. పాస్‌పోర్ట్ సైజ్ ఫోటోలు
4. అప్డేట్ చేసిన రెజ్యూమే / బయోడేటా

రిజిస్ట్రేషన్ విధానం:

ఆసక్తి గల అభ్యర్థులు ముందుగానే డీట్ (DEET) మొబైల్ యాప్‌లో తమ వివరాలను నమోదు చేసుకోవచ్చు. ముందస్తు రిజిస్ట్రేషన్ చేసుకున్న వారికి ఇంటర్వ్యూలలో ప్రాధాన్యత కల్పించే అవకాశం ఉంది.

నిరుద్యోగ యువత ఈ సువర్ణావకాశాన్ని వినియోగించుకుని మంచి ఉద్యోగాన్ని సాధించుకోవాలని అధికారులు సూచిస్తున్నారు.

For Online Registration : Click Here