ఏపీ ఎసైన్డ్ భూముల రిజిస్ట్రేషన్ కొత్త నిబంధనలు 2026: వారసుల పేరుకు కేవలం రూ.100తో రిజిస్ట్రేషన్.. కొత్త విధానం అమల్లోకి….

ఏపీ ఎసైన్డ్ భూముల రిజిస్ట్రేషన్ కొత్త నిబంధనలు 2026 :

ఆంధ్రప్రదేశ్ ప్రభుత్వం ఎసైన్డ్ భూముల వారసత్వ బదిలీ ప్రక్రియను మరింత సులభతరం చేసింది. కొత్త విధానం ప్రకారం ఇకపై వారసులు తమ పేరుకు ఎసైన్డ్ భూములను మార్చించుకోవడానికి గ్రామ సచివాలయం లేదా తహసీల్దార్ కార్యాలయం చుట్టూ తిరగాల్సిన అవసరం లేదు. ఈ సేవను రాష్ట్రవ్యాప్తంగా రిజిస్ట్రేషన్ కార్యాలయాల ద్వారా అందుబాటులోకి తీసుకొచ్చారు.

వారసత్వ మ్యుటేషన్‌కు కొత్త విధానం :

ఇప్పటి వరకు ఎసైన్డ్ భూములపై వారసత్వ మ్యుటేషన్ కోసం గ్రామ సచివాలయాల ద్వారా దరఖాస్తు చేసుకోవాల్సి ఉండేది. అయితే కొత్త విధానంతో ఆ ప్రక్రియను నిలిపివేసి, నేరుగా సబ్-రిజిస్ట్రార్ కార్యాలయంలో భూ పరిష్కార (Family Settlement/Inheritance) రిజిస్ట్రేషన్ ద్వారా వారసుల పేరుకు భూమిని నమోదు చేసుకునే అవకాశం కల్పించారు.

రిజిస్ట్రేషన్ ఛార్జీలు ఎంత?

ప్రభుత్వం జారీ చేసిన తాజా మార్గదర్శకాల ప్రకారం వారసత్వ రిజిస్ట్రేషన్‌పై తక్కువ ఫీజు మాత్రమే చెల్లించాల్సి ఉంటుంది.

ఆస్తి విలువ రూ.10 లక్షల వరకు ఉంటే – స్టాంప్ డ్యూటీ కేవలం రూ.100
ఆస్తి విలువ రూ.10 లక్షలకు మించి ఉంటే – రూ.1,000 చెల్లిస్తే సరిపోతుంది.

దీంతో వారసులు తక్కువ ఖర్చుతోనే తమ పేరుకు ఎసైన్డ్ భూమిని నమోదు చేసుకునే అవకాశం లభిస్తోంది.

అవసరమైన పత్రాలు :

ఎసైన్డ్ భూమిని వారసుల పేరుకు మార్చించుకోవాలంటే ఈ కింది పత్రాలు తప్పనిసరిగా సమర్పించాలి.

1. అసలు భూ యజమాని మరణ ధ్రువీకరణ పత్రం

2. ఫ్యామిలీ మెంబర్ సర్టిఫికేట్

3. వారసత్వ/భూ పరిష్కార దస్తావేజులు

4. అవసరమైన ఇతర రిజిస్ట్రేషన్ పత్రాలు

5. ఈ పత్రాలతో సబ్-రిజిస్ట్రార్ కార్యాలయంలో రిజిస్ట్రేషన్ పూర్తి చేసిన వెంటనే సంబంధిత వివరాలు రెవెన్యూ శాఖకు చేరి, తహసీల్దార్ కార్యాలయం ద్వారా మ్యుటేషన్ ప్రక్రియ పూర్తవుతుంది.

6. అధికారుల చుట్టూ తిరిగే అవసరం లేదు.

కొత్త విధానం అమలులోకి రావడంతో వారసులు ఇకపై మ్యుటేషన్ కోసం వివిధ కార్యాలయాల చుట్టూ తిరగాల్సిన అవసరం తగ్గింది. రిజిస్ట్రేషన్ పూర్తయిన తర్వాత రెవెన్యూ రికార్డుల్లో పేరుమార్పు ప్రక్రియ కూడా వేగంగా పూర్తయ్యేలా ప్రభుత్వం చర్యలు తీసుకుంది.

భూమి విక్రయంపై నిబంధనలు :

ఎసైన్డ్ భూముల విషయంలో ప్రస్తుతం ఉన్న నిబంధనలు యథావిధిగా కొనసాగుతాయి. ఈ భూములను ఇతరులకు స్వేచ్ఛగా విక్రయించేందుకు అనుమతి ఉండదు. సంబంధిత నిబంధనల ప్రకారం 20 సంవత్సరాల గడువు పూర్తయిన తర్వాత మాత్రమే విక్రయానికి అర్హత ఉంటుంది.