విద్యార్థులకు గుడ్ న్యూస్.. NMMSS స్కాలర్‌షిప్ దరఖాస్తు గడువు పొడిగింపు..!

NMMSS Scholarship 2026-27:

పాఠశాల విద్యార్థులకు కేంద్ర విద్యా మంత్రిత్వ శాఖ శుభవార్త అందించింది. 2026-27 విద్యా సంవత్సరానికి సంబంధించి నేషనల్ మీన్స్-కమ్-మెరిట్ స్కాలర్‌షిప్ స్కీమ్ (NMMSS) దరఖాస్తు గడువును పొడిగించింది. గతంలో నిర్ణయించిన గడువును పెంచుతూ, విద్యార్థులు నవంబర్ 15, 2026 వరకు ఆన్‌లైన్‌లో దరఖాస్తు చేసుకునేందుకు అవకాశం కల్పించింది.

ఆర్థికంగా వెనుకబడిన కుటుంబాలకు చెందిన ప్రతిభావంతులైన విద్యార్థులకు ఈ స్కాలర్‌షిప్ ఎంతో ఉపయోగకరంగా ఉంటుంది. అర్హత ఉన్న విద్యార్థులు చివరి తేదీ వరకు వేచి ఉండకుండా నేషనల్ స్కాలర్‌షిప్ పోర్టల్ ద్వారా దరఖాస్తు చేసుకోవడం మంచిది.

NMMSS Scholarship 2026-27 ముఖ్యమైన వివరాలు :

ఎంత స్కాలర్‌షిప్ ఇస్తారు?

NMMSS పథకం ద్వారా ఎంపికైన అర్హులైన విద్యార్థులకు ఏడాదికి రూ.12,000 చొప్పున స్కాలర్‌షిప్ అందజేస్తారు.
1. ప్రతి సంవత్సరం రూ.12,000 ఆర్థిక సహాయం.
2.  డైరెక్ట్ బెనిఫిట్ ట్రాన్స్‌ఫర్ (DBT) ద్వారా విద్యార్థుల బ్యాంకు ఖాతాల్లో జమ.
3. ప్రతి సంవత్సరం దేశవ్యాప్తంగా లక్ష కొత్త స్కాలర్‌షిప్‌లు.
4. 9వ తరగతి నుంచి 12వ తరగతి వరకు నిబంధనల ప్రకారం స్కాలర్‌షిప్ కొనసాగింపు.

ఎవరు దరఖాస్తు చేసుకోవచ్చు?

ఈ స్కాలర్‌షిప్‌కు ప్రధానంగా కింది పాఠశాలల్లో చదువుతున్న అర్హులైన విద్యార్థులు పరిగణనలోకి వస్తారు.

1. రాష్ట్ర ప్రభుత్వ పాఠశాలలు.
2. ప్రభుత్వ ఎయిడెడ్ పాఠశాలలు.
3. స్థానిక సంస్థల ఆధ్వర్యంలోని పాఠశాలలు.

అర్హత కలిగిన విద్యార్థులు రాష్ట్రాలు, కేంద్రపాలిత ప్రాంతాలు నిర్వహించే ఎంపిక పరీక్షలో ఉత్తీర్ణత సాధించాలి. ఆదాయ పరిమితి, విద్యా అర్హతలు, ఇతర నిబంధనలను అధికారిక నోటిఫికేషన్‌లో పరిశీలించాలి.

NMMSS దరఖాస్తుకు OTR తప్పనిసరి :

ఈ స్కాలర్‌షిప్ కోసం దరఖాస్తు చేసుకునే విద్యార్థులు ముందుగా నేషనల్ స్కాలర్‌షిప్ పోర్టల్‌లో వన్ టైమ్ రిజిస్ట్రేషన్ (OTR) పూర్తి చేయాలి.

OTR రిజిస్ట్రేషన్ పూర్తయిన తర్వాత మాత్రమే స్కాలర్‌షిప్ దరఖాస్తు ప్రక్రియను కొనసాగించవచ్చు.

2026 జూన్ 1 నుంచి దరఖాస్తుల స్వీకరణ ప్రారంభమైంది. అక్టోబర్ 30 నాటికి 90,483 కొత్త దరఖాస్తులు, సుమారు 2 లక్షల రెన్యువల్ దరఖాస్తులు అందినట్లు సమాచారం.

ఎలా దరఖాస్తు చేసుకోవాలి?

అర్హత కలిగిన విద్యార్థులు ఈ కింది విధంగా ఆన్‌లైన్‌లో దరఖాస్తు చేసుకోవచ్చు.

1. ముందుగా నేషనల్ స్కాలర్‌షిప్ పోర్టల్ అధికారిక వెబ్‌సైట్‌ను సందర్శించాలి.
2. విద్యార్థులు OTR రిజిస్ట్రేషన్ పూర్తి చేయాలి.
3. అనంతరం లాగిన్ అయి NMMSS స్కాలర్‌షిప్ దరఖాస్తును ఎంచుకోవాలి.
4. అడిగిన వ్యక్తిగత, విద్యా వివరాలను నమోదు చేయాలి.
5. అవసరమైన వివరాలు, పత్రాలను సమర్పించాలి.
6. దరఖాస్తును పూర్తిగా పరిశీలించి సబ్మిట్ చేయాలి.
7. అప్లికేషన్ రసీదును డౌన్‌లోడ్ చేసుకుని భద్రపరుచుకోవాలి.

ముఖ్యమైన తేదీలు : 

ఇప్పటికే దరఖాస్తు చేసుకున్న విద్యార్థులు కూడా తమ అప్లికేషన్ స్థితిని పరిశీలించాలి. నిర్ణీత గడువులోగా ఇన్‌స్టిట్యూట్, జిల్లా నోడల్ అధికారుల ద్వారా వెరిఫికేషన్ పూర్తయ్యేలా చూసుకోవాలి.