SSC పాసైన వారికి గోల్డెన్ ఛాన్స్.. టిటిడిలో ఉచిత విద్యతో పాటు హాస్టల్ సదుపాయం | TTD Education Scheme 2026 :

TTD Education Scheme 2026:

పదో తరగతి పూర్తి చేసిన విద్యార్థులకు తిరుమల తిరుపతి దేవస్థానం (TTD) ఆధ్వర్యంలో అద్భుత అవకాశం అందుబాటులోకి వచ్చింది. శిల్పకళ, ఆలయ నిర్మాణం, సంప్రదాయ కళలపై ఆసక్తి ఉన్న విద్యార్థుల కోసం శ్రీ వెంకటేశ్వర సంప్రదాయ ఆలయ నిర్మాణ శిల్ప కళాశాలలో 2026-27 విద్యా సంవత్సరానికి అడ్మిషన్లు ప్రారంభమయ్యాయి. ఈ కోర్సుల్లో ఎంపికైన విద్యార్థులకు ఉచిత విద్యతో పాటు హాస్టల్ మరియు భోజన సదుపాయాలు కూడా కల్పించనున్నారు. మరిన్ని పూర్తి వివరాలు ఇప్పుడు చూద్దాం.

టీటీడీ ఆధ్వర్యంలో నిర్వహిస్తున్న ఈ శిక్షణా కార్యక్రమం ద్వారా విద్యార్థులకు సంప్రదాయ కళల్లో ప్రొఫెషనల్ ట్రైనింగ్ అందించబడుతుంది. ఆలయ నిర్మాణం, శిల్పకళ వంటి పురాతన కళలను ఆధునిక పద్ధతుల్లో నేర్పిస్తూ భవిష్యత్తులో ఉపాధి అవకాశాలు కల్పించడం ఈ కోర్సుల ప్రధాన లక్ష్యం.

అందుబాటులో ఉన్న కోర్సులు :

1. డిప్లమా ఇన్ ట్రెడిషనల్ స్కల్ప్చర్ :

ఈ నాలుగేళ్ల డిప్లమా కోర్సులో కింది విభాగాల్లో శిక్షణ ఇస్తారు:

శిలా శిల్పం
సుదా శిల్పం
ఆలయ నిర్మాణం
లోహ శిల్పం
కొయ్య శిల్పం
సంప్రదాయ వర్ణ చిత్రలేఖనం

ఈ కోర్సును రాష్ట్ర సాంకేతిక విద్యాశాఖ గుర్తింపు మరియు AICTE ఆమోదంతో నిర్వహిస్తున్నారు.

2. కలంకారి సంప్రదాయ చిత్రకళ సర్టిఫికెట్ కోర్సు :

సంప్రదాయ వస్త్ర చిత్రకళపై ప్రత్యేక శిక్షణ అందించే ఈ కోర్సు వ్యవధి రెండు సంవత్సరాలు. ప్రతి సంవత్సరం పరిమిత సంఖ్యలో మాత్రమే విద్యార్థులను ఎంపిక చేస్తారు.

అర్హతలు :

1. అభ్యర్థులు తప్పనిసరిగా 10వ తరగతి పాస్ అయి ఉండాలి.

2. ప్రభుత్వ నిబంధనల ప్రకారం ప్రవేశ పరీక్ష నిర్వహిస్తారు.

3. శిల్పకళలపై ఆసక్తి ఉండాలి.

సీట్లు మరియు సదుపాయాలు :

1. ప్రతి విభాగంలో సుమారు 10 మంది విద్యార్థులను ఎంపిక చేస్తారు.

2. మొత్తం సుమారు 60 సీట్లు అందుబాటులో ఉంటాయి.

3. ఎంపికైన వారికి ఉచిత హాస్టల్ మరియు భోజన సదుపాయం ఉంటుంది.

4. కోర్సు పూర్తి చేసిన తర్వాత విద్యార్థుల పేరుపై రూ.1 లక్ష బ్యాంక్ డిపాజిట్ వడ్డీతో సహా అందజేస్తారు.

కోర్సు పూర్తయ్యాక ఉద్యోగ అవకాశాలు :

ఈ కోర్సు పూర్తి చేసిన విద్యార్థులకు పలు రంగాల్లో ఉపాధి అవకాశాలు లభిస్తాయి.

1. టిటిడి ఆలయ నిర్మాణ మరియు పునర్నిర్మాణ విభాగంలో ఉద్యోగాలు

2. దేవాదాయ, పురావస్తు మరియు పర్యాటక శాఖల్లో అవకాశాలు

3. టెక్నికల్ అసిస్టెంట్, స్థపతి వంటి పోస్టులు.

4. స్వయంగా శిల్పకళ రంగంలో ఉపాధి అవకాశాలు.

ఎలా దరఖాస్తు చేసుకోవాలి?

అభ్యర్థులు నేరుగా కళాశాలను సంప్రదించవచ్చు లేదా అధికారిక వెబ్‌సైట్ ద్వారా దరఖాస్తు ఫారం పొందవచ్చు.

చిరునామా:
శ్రీ వెంకటేశ్వర సంప్రదాయ ఆలయ నిర్మాణ శిల్ప శిక్షణ సంస్థ,
అలిపిరి రోడ్డు, తిరుపతి – 517507

వెబ్‌సైట్: TTD Official Website

ఫోన్ నెంబర్: 0877-2264637 సంప్రదించవచ్చు.

దరఖాస్తు తేదీలు :

దరఖాస్తు ప్రారంభ తేదీ : 04 మే 2026

దరఖాస్తు చివరి తేదీ: జూన్ 20, 2026

ముఖ్య గమనిక :

శిల్పకళలపై ఆసక్తి ఉన్న విద్యార్థులకు ఇది అరుదైన అవకాశం. ఉచిత విద్య, హాస్టల్ సదుపాయం, భవిష్యత్ ఉద్యోగ అవకాశాలు కలిగిన ఈ కోర్సులకు అర్హులైన విద్యార్థులు వెంటనే దరఖాస్తు చేసుకోవడం మంచిది.

Full Details Click Here