Dasara Holidays 2026: ఏపీ, తెలంగాణ స్కూళ్లకు దసరా సెలవులు.. ప్రత్యేక తరగతులపై కీలక ఆదేశాలు..!

Dasara Holidays Ap Telangana Schools 2026 Latest News:

తెలుగు రాష్ట్రాల్లో విద్యార్థులు ఎంతో ఆసక్తిగా ఎదురుచూస్తున్న దసరా సెలవులు మరికొద్ది రోజుల్లో ప్రారంభం కానున్నాయి. ఆంధ్రప్రదేశ్, తెలంగాణ రాష్ట్రాల్లో పాఠశాలలకు అక్టోబర్ 10, 2026 నుంచి దసరా సెలవులు ప్రారంభం కానున్నాయి. ఈ నేపథ్యంలో విద్యా సంస్థలు ప్రభుత్వం ప్రకటించిన సెలవుల షెడ్యూల్‌ను తప్పనిసరిగా పాటించాలని అధికారులు స్పష్టం చేశారు.

దసరా సెలవుల సమయంలో విద్యార్థులకు ప్రత్యేక తరగతులు నిర్వహించకుండా చూడాలని విద్యా శాఖ అధికారులు పాఠశాలల యాజమాన్యాలకు సూచించారు. సెలవులు విద్యార్థులకు విశ్రాంతి కల్పించడంతో పాటు కుటుంబ సభ్యులతో కలిసి పండుగను జరుపుకునేందుకు ఉపయోగపడతాయని అధికారులు పేర్కొన్నారు.

తెలంగాణలో దసరా సెలవులు 2026 :

తెలంగాణ రాష్ట్రంలో పాఠశాలలకు అక్టోబర్ 10 నుంచి అక్టోబర్ 22 వరకు దసరా సెలవులు ఉండనున్నాయి. సెలవులు ముగిసిన అనంతరం అక్టోబర్ 23, 2026 నుంచి పాఠశాలలు తిరిగి ప్రారంభం కానున్నాయి.
సెలవుల సమయంలో విద్యార్థులను పాఠశాలలకు పిలిపించి ప్రత్యేక తరగతులు నిర్వహించరాదని అధికారులు సూచించారు. ప్రభుత్వం ప్రకటించిన హాలిడే షెడ్యూల్‌ను అన్ని పాఠశాలలు కచ్చితంగా అమలు చేయాలని స్పష్టం చేశారు.

తెలంగాణ జూనియర్ కాలేజీలకు సెలవులు : 

తెలంగాణలోని జూనియర్ కాలేజీలకు కూడా దసరా సెలవులు ప్రకటించారు. అక్టోబర్ 10 నుంచి అక్టోబర్ 21 వరకు జూనియర్ కాలేజీలకు సెలవులు ఉండనున్నాయి. అనంతరం అక్టోబర్ 22 నుంచి కాలేజీలు తిరిగి ప్రారంభం కానున్నాయి.

ఆంధ్రప్రదేశ్‌లో దసరా సెలవులు 2026 :

ఆంధ్రప్రదేశ్‌లో పాఠశాలలకు అక్టోబర్ 10 నుంచి అక్టోబర్ 21 వరకు దసరా సెలవులు ఇవ్వనున్నారు. దసరా సెలవులు పూర్తైన తర్వాత అక్టోబర్ 22, 2026 నుంచి పాఠశాలలు తిరిగి ప్రారంభం కానున్నాయి.

ఏపీలోని జూనియర్ కాలేజీలు, ఇతర కాలేజీలకు సంబంధించిన దసరా సెలవులపై పూర్తి వివరాలు అధికారికంగా వెల్లడికావాల్సి ఉంది. అధికారిక ప్రకటన వెలువడిన తర్వాత కాలేజీల సెలవుల తేదీలపై మరింత స్పష్టత వచ్చే అవకాశం ఉంది.

ప్రత్యేక తరగతులు నిర్వహించవద్దు ; 

దసరా సెలవుల సమయంలో విద్యార్థులకు ఎలాంటి ప్రత్యేక తరగతులు, అదనపు క్లాసులు నిర్వహించకుండా విద్యా సంస్థలు జాగ్రత్తలు తీసుకోవాలని అధికారులు సూచించారు. సెలవుల సమయంలో పాఠశాలలను నిర్వహించడం లేదా విద్యార్థులను తరగతులకు పిలిపించడం వంటి చర్యలకు పాల్పడకుండా ప్రభుత్వం జారీ చేసిన నిబంధనలను పాటించాలని స్పష్టం చేశారు.

దసరా పండుగ తేదీ : 

ఈ ఏడాది దసరా పండుగ అక్టోబర్ 20, 2026న జరగనుంది. దీంతో అక్టోబర్ 10 నుంచే విద్యార్థులకు వరుసగా సెలవులు ప్రారంభం కానున్నాయి. పండుగకు ముందు, తర్వాత కలిపి విద్యార్థులకు గణనీయమైన సెలవుల కాలం లభించనుంది.